成半年無打過 xanga lu......

本來一早就想打,

不過真係太懶喇........

呢半年真係發生左好多事,

放榜,升唔到上大學,

第一次去讀同工作有關既進修 course,

第一次搵工,

第一次見工,

第一次搵到工

第一次做全職既工作
(重要係老人中心)

呢半年真係發生左好多好多既事!!!!!

但係呢半年都可以話係我人生中既一個轉捩點吧!!!!

有好多野都真係好想講,

但一時間真係唔知點講好,

如果有時間,我一定會 keep 住打落去,

但大前提係,我唔可以懶 law.....

聖誕呢幾日又去台北,

無錯,半年多d既時間之前先去完台北,

而家又再去多次,真係爽歪歪!!!!!

希望今次我真係可以每日都打到 xanga 喇!!!!

不過今次去台北居然同撞唔到小豬同小鬼既活動時間,

好失望 ar.......

希望可以有意外收穫喇!!!!

Iron Man 2 有 trailer,
Scarlett Johansson 真係好靚 ar!!!!

值得港人驕傲的一夜!!!!

20年前的同一夜,

中共以最殘忍的手段去對待為中國未來出心出力既莘莘學子,

令到中國留下這一輩子都永難磨滅的傷痛...........

20年後的今夜,

香港人用其手上的燭光去告訴大家,

對於20年前的那一夜,

我們依然記憶猶新,沒有如某人般,

因經濟發展的成功而違背自己的良心!!!!

今日 4:30 左右已經出到去銅鑼灣,

見到行人街個邊已經企滿哂人,

等埋家姐,之後就過左天后個邊搵返老媽子,

係個邊食晚飯.

由於老豆出黎要d時間,

攪到佢 7:15 先到,

等佢食完都已經 7:45,

不過由於行過去個時見到維園都仲有好多位,

所以都不以為然.

但係去到個時先知道人數之多完全超出我既想像,

我地4個係天后個邊既入口行左2,3個字先入到去,

但入到去維園裡面之後又聽到另一個驚人既消息-----維園6個球場已經坐爆左,

支聯會方面叫大家去草地上面坐,

咁我地又行左一個字左右過去草地個邊,

當時係草地既人唔算太多,

但其實都已經坐左大約3分1個草地!!!!

2個字之後,

又聽到支聯會宣佈-----草地都已經坐滿左!!!!

個一刻真係好感動,

我當初仲以為華叔講過十萬只係痴人說夢,

但當我見到週圍仲有大量既人係草地附近無法找到位置而迫於企係草地既四周時,

我就知道呢個就再不是一個夢!!!!

最後宣佈有15萬人既一刻,

我對我身處呢個歷史性既一刻感到驕傲,

亦都為香港人既熱情和對當年六四既感情不減而感到感動!!!!

今年六四既一個特點,

就係見到好多好似我一樣,

甚至比我更小年紀既人參加今次既集會,

長遠而言,呢個絕對係一個好既現象,

可以令到六四集會真正得到薪火相傳既效果!!!

不過,當中有多少人在前往集會前去曾經去了解一下六四既前因後果呢??

雖然我相信有許多年青人事前都有去嘗試了解六四,

但我亦相信有一少撮既年青人只係見六四呢個話題咁 hit,

而抱著湊熱鬧既心態前往今年既集會,

我相信這絕對唔係大家希望見到既情況!!!!

畢竟20年前那群為中國民主發展而犧牲既先烈們,

是用他們的鮮血去喚醒廣大華人關注祖國的民主進程,

相信他們絕不想現今的青少年只以一種兒嬉,

當出席嘉年華的心態來對待一件那麼嚴肅的事件!!!!

(係高登其實都見到唔少人表示見到有部份在場既青少年唔夠嚴肅,

而我自己亦見到好多人在現場玩自拍,

或者佢地只係希望用呢種手法去記下佢地曾參與六四20週年集會,

但只就我個人而言,心理上比較難接受...........)

雖然我都只係一個 90 後既青少年,

我無親身經歷過六四,

但我在今年集會之前都有搵番書去睇番六四當中既前因後果,

因為我覺得要評論一樣野,

個人一定要對該事物有充分既認識!!!!

我唔希望比人牽著鼻子走,

更加唔想比d隱瞞事實廿年既人誤導,

錯誤為犯錯既一方作辨護!!!!

我同好多新一代一樣,

覺得以舊既一套去教導新一代未必可以事半功倍,

要令新一代樂於認識六四既事實一定要用一d新既方法去令佢地接受,

但我唔希望將六四變為一種潮流,

因為咁樣令到青少年只著重表面,而忽視六四箇中真正既意義,

這只會是本末倒置而已!!!!

我只希望今日參加過集會,

跟我一樣的年青人,

可以係今日既集會後,

引起他們對認識六四既興趣,

令六四可以做到真正既薪火相傳,

哪怕再去抗戰二十年,

一直到我地成功平反六四,

還當年既學生,趙紫陽等支持政改既人士一個公道為止!!!!

決戰羅馬!!!!!

返左黎差不多3日,

但因為無心機既關係,

都仲未打 xanga.........

不過係台灣自由行真係好正,

亦都好倦...........

整理完d相之後先再分享4日以黎既所見所聞!!!!

等左成季,

夢幻決賽終於黎 lu!!!!

感情上好想 MU 可以衛冕成功,

但又想睇到美斯攞到歐聯..........

真係好矛盾 ar!!!!

最終會係曼聯成為第一支歐聯改制後成功衛冕既球隊，

定係巴塞成功奪取第3個歐冠呢??

今晚軾目以待 la!!!!!

P.S.琴晚去左睇香港足總盃,

        2場都要打加時,

        睇到11點幾先至走...........

        真係未試過睇香港波睇到咁晏...........

        不過4強又係南華對飛馬,

        真係羅神唔悶,球迷都覺得悶...............

準備出發~~~~

終於執好哂所有野!!!!

聽日出發去台灣,

去4日,但只係得家姐 plan 過去邊,

自己完全無 idea.........

唔理 la,去到台灣先再諗,

橫掂係自由行,去邊都得 la!!!!!

不過琴日所做既事前工作真係倦死咁滯..........

晏晝首先去中環換錢,

但搵想去個間找換店足足搵左成半個鐘先搵到..........

之後又排左成半個鐘先換到台幣...........

攪掂左錢,

就去金鐘攞台證,

但去到發現又要排隊等攞證...........

咁唯有又等番個鐘攞證,

好 la,攞完個證,就落灣仔搵娘親,

比哂d錢,passport 同台證佢領番屋企,

值得一提既係,全程我搭左3程 MTR,

但係差不多每程都只係搭一個站,真係搭都搭到驚............

所以出旺角個時,我決定搭巴士出去,

援和下我既心理陰影........

但只係行左陣,就去搵阿忠同佢個 fd,

食晚飯兼等去睇南華!!!

因為出左線既關係,

入場既球迷只係得一千人多d,

唔單止氣氛差過之前,

連場波既可觀程度都比之前為沉悶,

雖然南華最後都係 win 左,

但成隊波肯定可以打得再好d,

出線之後對上年曾經輸過比對方既內政聯,

南華可唔可以再進一步,晉身8強呢??

623大家一齊入場支持南華 la!!!!!

要睇 UEFA Cup Final lu!!!!

就打到呢度為止,

去到台灣睇下可唔可以一樣 keep 住個恆心打 xanga 先,

台灣見!!!!!

"喂,去飲茶 la"

一年前,係新聞時段知道左伍晃榮過身既消息,

當時既反應可以用震驚黎形容,

因為真係無諗過佢會咁早就過身............

一年之後既今日,同樣係新聞時段,

係中段休息既時候,見到阿叔張相,

心諗:阿叔唔係過左身 ar ma??

點知真係"好既唔靈醜既靈",

雖然都好驚訝,

但個感覺上既衝擊無一年前伍晃榮過身既時候黎得咁震撼.............

我咁講唔係因為對阿叔無太大感覺,

事實上,係香港睇波,有邊個無聽過阿叔講波 ar,

阿叔係我第一個接觸既講波佬,

亦係我最喜愛既講波佬之一!!!!

我之所以覺得個衝擊無黎得咁大,

可能係因為前幾年有唔少報導話自從阿叔個太太過身之後,

阿叔既意志開始變得消沉..............

我見到佢過身既消息時,

第一時間個感覺雖然係驚訝,

但個人而言,我反而覺得呢個可能對阿叔係一個解脫!!!!

但無論如何,希望阿叔可以一路好走,

身為球迷既我地絕對唔會忘記佢係球賽中既評述同埋專業!!!!

P.S. 最記得阿叔講波既一場應該係 02 WC 前既一場 England v. Italy 友誼賽,

        記得既原因唔係因為球賽有幾精彩,有幾多既攻門,

        (事實上,個場波 Italy 都係 win 2:1,

         而且兩邊都無太多入肉既埋門,所以都幾悶下............ )

        而係因為阿叔成場波都強調 Italy 當時既贊助商 Kappa 個件貼身波衫係會影響球員表演,

        話皮膚都要呼吸云云,所以呢場波係我腦海裡面留下深刻既印象!!!!

        重有就係個句講完波後必定出現既說話:

        "喂,去飲茶 la!!!"

        因為當阿叔去飲茶既同時,我就可以去訓!!!!

        呢d就係林尚義先生留在我腦海中既最佳回憶!!!!

        希望係天堂既你可以搵埋老婆同伍晃榮一齊飲茶 la!!!!

2個大難關都過左,

但已經知道最終結果會係點!!!!

但我唔會後悔,

因為呢個係我自己既選擇,

我總相信,路不是只有一條的!!!!

所以,係時候係我所選擇既道路上確立自己既目標,

努力咁跑過去!!!!